💡 Positive Discipline Kya Hai?
1- Bacche ko respect ke saath samjhaana
2- Sahi-galat batane ke liye example aur pyar ka use
3- Trust build karna taaki baccha apne dil ki baat share kar sake
10 Common Situations & Positive Discipline Tips
1️⃣ Homework karne se bachna
❌ (yeh nhi bolna h aapne) “Tum kabhi serious nahi hote!”
✅ (Aise reply dijiye) “Chalo hum dono milke 15 minutes karte hain, fir tum apna favourite game kheloge.”
2️⃣ Mobile/TV ka zyada use
❌ “Bas! hmesha mobile hi dekhte rehna or koi kaam to h nhi”
✅ “Mobile sirf 30 minutes milega, uske baad hum ek kahani ya game khelenge.”
3️⃣ Jhooth bolna
❌ “Tum hamesha jhooth bolte ho, bhut jhuthe ho tum!”
✅ “Mujhe tum par bharosa hai. Agar tum sach bologe to main tumhare saath hmesha rahunga ya rahungi. Sach bolne se kabhi mt dra kro beta/beti.”
4️⃣ Cheeze tod dena
❌ “Tumse kuch sambhalta hi nahi, tere hath me to koi chiz deni hi nhi chahiye.”
✅ “Galtiyan hoti hain. Chalo hum dono milke ise saaf karte hain.”
5️⃣ Khana khane se inkaar
❌ “Abhi nahi khaya to khana phr nhi milega. tumhare nakhre nhi dekhte rhenge hum.”
✅ “Aaj chalo tum khud decide karo ki sabzi ke sath kya khana hai — roti ya chawal.”
6️⃣ School jaane ke liye tantrums
❌ “Roz drama karte ho, sharam aani chahiye.”
✅ “Mujhe pata hai tumhara mann nahi kar raha, lekin chalo aaj school ke baad ek chhota sa treat rakhenge, hum log khi ghum ke aayenge.”
7️⃣ Room ganda karna
❌ “Tum bilkul careless ho, koi bhi kaam achee se nhi krte ho, sab faila ke rkhte ho.”
✅ “Chalo hum ek game khelte hain — 5 minutes me kaun zyada toys sahi jagah rakhega.”
8️⃣ Ladai karna ya rona-dhona
❌ “Chup hojao warna ander band kar dunga ya bahar nikal dunga”
✅ “Mujhe batao tum gussa kyu ho. Hum milkar iska solution dhoondte hain.”
9️⃣ Shopping me zid karna
❌ “Tumhari har baat maan’ni padegi kya?”
✅ “Aaj hum sirf ek toy le sakte hain. Tum apna favourite choose karo.”
🔟 Der se sona
❌ “Tum kabhi time pe nahi sote, punishment milega!”
✅ “Chalo sone se pehle tum ek kahani choose karo, fir hum dono milke padhenge.”
Parents, yaad rakhiye — jab aap daant ke bajaye pyaar se samjhate ho, to baccha apne dil me yeh feel karta hai:
“Meri mummy-papa mujhe samajhte hain, main galti karun to bhi wo mujhe support karte hain.”
Ye trust aur bonding uske self-confidence ko badhata hai aur wo naturally disciplined banta hai.
💖 Aaj ka chhota sa task:
Shaam ko apne bacche ke saath 10 minute baithiye aur usse poochhiye:
👉 “Aaj tumne kaunsa aisa kaam kiya jisme tumhe khushi mili?”
Unki baat ko dhyaan se suniye aur unki tareef kijiye.
Dekhiye, unka chehra khushi se chamak uthta hai. 🌈
Best Regards
Mr. Anil Joshi
Early7years
No comments yet. Be the first to start the conversation!